وصفة لتقوية وتنعيم الشعر ومجربة

جبت ليكم البنات وصفة واعرة كتقوي الشعر وترجعو رطب رطب رطب
الوصفة فيها حب رشاد كنديروه يطيب فكمية ديالت الماء مع التومة انا كندير
2 دراهم مع 4 ريوس تومة بقشرتها ملي يطيب وتشوفيه تنفخ طحنيه فالكمية لي
بقات ديال الماء من بعد صفيه فليبة غينزل ليك خليط فحال الغسول تاخدي
الكمية لي غديري لشعرك ضيفي عليها شوية زيت الزيتون وشوية قطران رقيق لي
كتستعملو وملي ماكديروش بلاش يتحط فالشعر 4 سوايع وملي غتغسلي شعرك امانة
عليك اجي ردي عليا ماغتصدقيش كيف غيخرج رطب وقوي غزال كدار 2 مرات
فالاسبوع ولكن انا كنديرها غير مرة وحدة والكمية لي شاطت ليك من حب رشاد
المطحون احتفطي بيها فالفريجو ملي تبغيها زيدي عليها الزيت والقطران
وبالصحة والراحة
mnqol