كيش بالبصلة لذييييييذ جدا...دخلو تشوفو

السلام عليكم ورحمة الله وبركاته
هاذ الكيش سااااهل وما فيه عذاب وماتشبعوش منو نبدا باسم الله:
العجينة :
200 غ دقيق
90 غ زبدة مقطعة اطراف
قريصة ملح
2 حتى 3 معالق كبار ديال الماء بارد

الحشوة :
معلقة زبدة - 2بصلات كبار - م.ك.موطارد - 3 بيضات - كاس صغير قشدة طرية - ملح -بزار - 2/1 كاس فرماج محكوك

نخلطو الدقيق
مع الزبدة فالروبو ميكسور حتى تبسس نزيدو الماء حتى تجمع العجينة الى خاص
الماء نزيدو واخا انا مازدتش على 3 معالق ..ندلكوها فوق شي طابلة مرشوشة
بالدقيق حتى تولي رطبة نسرحوها بالدلاك ونلبسوها المول لي القطر ديالو 23
سنتمتر نغطيوها بورق الالومنيوم ونديروها فالثلاجة 20 دقيقة ثم نعمروها
باللوبيا او الجلبانة يابسة ونديروها فالفران مسخن من قبل طيب شي 10 د من
بعد نحيدو اللوبيا وورق الاومنيوم ونردوها تكمل الطياب حتى تولي مذهبة
نخليوها تبرد ونمشيو نوجدو الحشوة ..
ف المقلة
نديرو الزبدة ونشحرو فيها البصلة مشلدة حتى تولي مذهبة ونخليوها
تبرد...كنخدو الموطارد وندهنو بيها الكيش ونزيدو البصلة ..نطربو البيض مع
القشدة الطرية نزيدو الملح والابزار ونخويو فوق البصلة نرشو بالفرماج
وندخلوها الفران شي نصف ساعة وبالصحة والراحة ......كتجي رااااااائعة

[ندعوك للتسجيل في المنتدى أو التعريف بنفسك لمعاينة هذا الرابط]

» بالصح الجوع عدو دخلو تشوفو
» بطبوط معمر دخلو اتفرجو.
» طاجين سردين بالبصلة و الفلفلة ساهل و بالزربة بالصور
» طاجين الدجاج بالبصلة و الزبيب شهوة منو ممممم بالصور
» لبطوط ولبغرير مدهون دخلو باقي سخون ميميميم بالصور