دورتي المتواضعة في اشهار المواقع seo تهيئة موقعك بمحركات البحث وجلب الاف الزوار

احم .. الدرس الثاني ..

2 ) عمل السايت ماب لموقعك



درس جميل وسهل ومهم جدا لارشفة موقعك و زيادة نتائج البحث لجووجل .. مش هخش المرادي في التفاصيل مش مهمة اوي .. المهم نطبق .. يلا معايا


- ايوة كده ياخي ده انت كنت قارفنا بكلامك ده


اولا ده موقع بيأرشف لك الموقع بس مشكلته ليه عدد اقصي للصفحات اللي ممكن يأرشفها وهو 500 صفحة .. يعني لو عندك موقع تاني او برنامج اخر يأرشف اكتر او عدد لا نهائي استخدمة بدل ده ول معرفتش قوللي وانا اعملك شرح ليه ان شاء الله وبعد كده تكمل بقية الشرح معانا عادي من اول ما نوصل لخطوة رفع ملف السايت ماب


يلا نتوكل علي الله


نخش علي الموقع ده :

www.xml-sitemap.com


وبعدين نكتب اسم الموقع بتاعك وندوس Start







وبعد كده هتظهرلك الصفحة دي وفيها بيأرشف الصفحات اللي عندك .. استني بقي كده دقايق علي حسب عدد صفحات موقعك







بعد ما يخلص الأرشفة بحمد الله هتطعلنا صفحة زي دي ومنها نحمل ملف السايت ماب من الرابط اللي في الصورة ده







واصبح لنا هذا الملف عندنا بعد فك ضغطه






دلوقتي هنرفع الملف ده علي الموقع بتاعنا عن طريق برنامج الاف تي بي
لو مش عندك البرنامج حمله من هنا

حمله من هـــــنـــــا

بعد ما اتحمل واتسطب ( لو قابلتك اي مشاكل في التسطيب قوللي واعملك الشرح ليه حالا ) هنفتح البرنامج عادي ونكتب حساب الاف تي بي بتاعنا







ممكن في الـ Address نكتب اسم الموقع عادي انا نفعت معايا مثال : 3arablink.com
وبعدين نكتب اسم اليوزر بتاع السي بانل والباس بتاع السي بانل برضه وبعد كده ندوس GO


(لاصحاب الاستضافات المجانية الحوار بيختلف جرب تخش باليوزر والباس بتاع لوحة تحكم الموقع سواء كانت بقي لوحة التحكم سي بانل او لوحة تحكم من المستضيف .. لو منفعش يبقي تخش علي لوحة التحكم و تعمل اكونت اف تي بي جديد بيوزر وباسوورد جداد )







دلوقتي الموقع فتح معانا بحمد الله .. مكونات الجهاز بتاعنا ناحية الشمال .. ومكونات الموقع بتاعنا ناحية الليمين


نجيب مكان ملف السايت ماب اللي حفظناه علي جهازنا من ناحية الليمين وندوس عليه ونرفعه للموقع بالضغط علي السهم المتجه نحو ناحية مكونات موقعك وخلي بالك يفضل طبعا انك ترفعه في المجلد الرئيسي للموقع .. يعني داخل فولدر public_html او فولدر www بحيث انك تقدر تفتحه من المتصفح بهذا الشكل

www.xxxx.com/sitemap.xml







وبكده نبقي رفعنا ملف السايت ماب بحمد الله


-ايه خلاص كده ؟؟


لا يا حبيبي لسه ... دلوقتي سيب الاف تي بي زي ما هو كده متقفلوش هنرجعله تاني

دلوقتي نخش علي الرابط ده

https://www.google.com/webmasters/sitemaps

ونكتب اسم موقعنا زي ما في الصورة كده وبعدين نظغط Add Site ( يجب ان يكون لديك حساب او ايميل علي جووجل حتي تستطيع عمل هذه الخطوة ان لم يكن لديك تقدر تعمل واحد من هنا اضغــــط هـــــنا ولو فيه اي مشاكل في عمل الاكونت ده بجد لا تتردد )







بعد ما كتبنا اسم الموقع هيطلعلنا صفحة عاملة كده .. ندوس علي Verify your site






بعد ما دوسنا هيودينا الصفحة دي .. وفيها هنختار Upload an HTML file في اول اختيار .. كده






نركز بقي يا معلمين ... دلوقتي جووجل عشان تضمن ان انت صاحب الموقع لازم تعمل حاجة تتأكد بيها


- ايه بقي الحاجة دي ؟؟


زي ما مكتوب في الصورة اللي فاتت .. تعالا بره علي الديسك توب كده مثلا واعمل ملف تكست جديد Create new text file وبعد كده نسمية ونغيير امتداده بالاسم اللي طلعولاك في الصفحة


- لأ وضحلي والنبي اكتر ..


دلوتقي هتلاقي في الصفحة اللي انت فيها مكتوب

اهو تحت الجملة دي هتلاقي اسم ملف طويل ورخم بامتداد HTML خده كوبي واعمل ملف تكست جديد وسميه بالاسم الجديد مع تغيير الامتداد زي ما قلنا وخلي بالك مش هيطلعلك نفس اسم الملف اللي موجود في الصورة اللي فاتت طبعا لكن كل واحد بيخش علي الصفحة دي هيلاقي رقم غير التاني Create the HTML verification file specified below and upload it


خلاص كده بقي عندنا ملف اللي جووجل طلبته مننا بنفس الاسم والامتداد اللي قالتهولنا .. ولازم شكل الايكونة بتاعته تتحول لملف انترنت وبالنسبالي انا هيبقي الملف في الاخر بالشكل ده







( اللي معرفش يعمل الخطوة دي او اللي معرفش يغيير الامتداد يقوللي وانا اشرحلة تانية واقوله ازاي تظهر الامتداد لاي ملف لو كان مخفي )


خلي بالك منقفلش صفحة المتصفح دي دلوقتي خالص هنرجعلها حالا


دلوقتي كده خلاص خلصنا عمل الملف هنرجع للاف تي بي نرفعه زي السايت ماب بالظبط و هيترفع جنب السايت ماب في نفس الفولدر وهو الفولدر الرئيسي





بحيث انك تقدر تفتحه من المتصفح كده

www.xxxx.com/google3371929fa3b7bd816.html

بمعني اصح هنرفعه برضه في فولدر public_html او فولدر www يعني المكان الرئيسي للموقع

بعد ما رفعنا الملف بحمد الله نرجع تاني للمتصفح و دوس علي Verify







بعد ما ضغطنا علي verify هنروح علي صفحة كده ومكتوب فيها اسم الموقع اللي انت ضيفته .. ادامه هتلاقي رابط Add تحت خانة الـ Site map اضغط عليه





بعد ما ضغطنا هنروح لصفحة هنختار في الاول Add general web sitemap

وبعد كده هنكتب في خانة رقم 3 اسم ملف السايت ماب اللي عملناه هتلاقيه هو كاتب موقعك تعالا عند الخانة اللي هتكتب فيها واكتب

بس
sitemap.xml







- اشمعني هنكتب كده ؟؟


نسيت مش احنا رفعناه علي فولدر الموقع الرئيسي

يعني في النهاية هتبقي شكلها كده وفي الاخر ندوس علي Add general web sitemap





بعد الضغط هتظهر الصورة دي





وبيقولك ان خلاص انت كده تمام واستني بقي يوم كده يكون اتعمله Verified يعني جووجل تكون وفقت عليه وتبتدي نتايج البحث تزيد ان شاء الله


الحمد لله تم الانتهاء من الدرس الثاني علي خير

الاول تعالا نتعرف علي عناكب البحث .. ما هي العناكب ؟؟


بمنهي البساطة .. كل محرك بحث ليه العناكب بتوعه .. وظيفته الدخول علي الموقع وفهرسته اي صفحة تزورها هذه العناكب

بمعني ان محرك بحث جووجل ليه عناكب غير بتاعت ياهو غير ام اس ان .. فكل واحد منهم بيدخل موقعك ويفهرسة لمحرك البحث الخاص به


عشان كده تعتبر العناكب دي حلقة الوصل بينك وبين محركات البحث .. ودي اللي بتزود ارشفة موقعك بالـتأكيد
وان شاء الله بعد تطبيق هذه الدورة في البداية ستجد ان موقعك يزوره عناكب بشكل قليل الي حد ما .. يعني مثلا انا في اول شهر كان بيجيلي واحد بس من العناكب دي .. بس اخر الشهر ده وصلوا لاتنين .. وكل شوية بيزيدوا مع الوقت ... وبعد شهر ونص بقيت الاقي عناكب جووجل بتوصل الي 10 بخلاف عناكب ياهو


طيب دلوقتي اكيد في دماخك سؤال مهم .. ازاي اجيب العناكب دي ؟؟ ووهل بتدخل علي كل ما هب ودب في الموقع ؟؟


سؤال طبعا ممتاز .. بالنسبة للجزء الاول من السؤال انك تجيب العناكب ازاي ده شيء سهل فقط طبق ما موجود في الدورة .. خاصة الدرس الاول والدرس الثانية وستجد اول عنكبوت لديك باذن الله .. ويزيدون بعد تطبيق باقي دروس الدورة ان شاء الله


اما الجزء الثاني من السؤال انه بيدخل علي كل ماهب ودب في الموقع فالأجابة هي نعم .. يدخل الي اي موضوع او صفحة بموقعك مهما كانت بعيدة


- طيب انا عندي صفحات حساسة و مهمة لا اريد ارشفتها فما العمل ؟؟


لهذا السؤال تم عمل شيء اسمه ملف الروبتس robots.txt


- ايه فايدة ملف الروبتس ده ؟؟


فائدته كبيرة جدا .. فهذا كالطريق الذي ترشد به العناكب الي موقعك .. وتمنعهم من رؤية وفهرسة صفحات ومواضيع تختارها انت .. ولذلك هذا الملف حل هذه المشكلة واصبحنا الان نتحكم فيما يظهر في نتائح البحث وفيما لا نريد ان يظهر


- طيب ايه خطوات عمل الملف ده ؟؟


هو ده اللي هنتعلمه في الدرس ده انك ازاي تعمل ملف الروبتس .. وايه اللي هنكتب جواه ... وفين هنعرفه


نبدأ بسم الله

اولا نبدا بعمل ملف نصي جديد ونسمية

وبالتبعية اذا دمجنا الاكودا واردنا كود يمنع محرك بحث جووجل فقط من الدخول علي فولدر الصور هيكون كده :

رمز PHP:
User-agent: Googlebot-Image
Disallow: /images/


ونقدر نمسح اسم فولدر ايمج من الكود اللي فات وبالتالي هنمنع جووجل من ارشفه اي صورة بالموقع
يبقي احنا نقدر نسوي ما نريد عن طريق ادخال الكل في بضعه


مثال : نريد ان نصنع ملف روبتس بحيث اننا نمتلك منتدي و لدينا ثلاث مجلدات باسم 1 و 2 و 3 حساسين ولا نريد ارشفتهما موجودين بفولدر اسمه مثلا vip .. اذن كيف تتوقع يكون الملف عامل ازاي ؟؟؟ ياريت تطبق قبل ما تشوف الطريقة
.
.
.
.
.

راح يكون هكذا :

رمز PHP:
User-agent: *
Disallow: /vb/admincp/
Disallow: /vb/includes/
Disallow: /vb/modcp/
Disallow: /vip/1
Disallow: /vip/2
Disallow: /vip/3



يبقي في النهاية .. هذا الكود :

رمز PHP:
User-agent: *



يفتح لك الارشفة لكل محركات البحث


وهذا الكود لمنع ارشفة الفولدرات الي تحددها :

رمز PHP:
User-agent: *




انصحك به بشدة ..
قم بوضع هذا الكود لملف الروبتس ( لاصحاب المنتديات كما قلنا )

رمز PHP:
User-agent: *
Disallow: /forums/admincp/
Disallow: /forums/clientscript/
Disallow: /forums/cpstyles/
Disallow: /forums/customavatars/
Disallow: /forums/customprofilepics/
Disallow: /forums/images/
Disallow: /forums/modcp/
Disallow: /forums/ajax.php
Disallow: /forums/attachment.php
Disallow: /forums/calendar.php
Disallow: /forums/cron.php
Disallow: /forums/editpost.php
Disallow: /forums/global.php
Disallow: /forums/image.php
Disallow: /forums/inlinemod.php
Disallow: /forums/joinrequests.php
Disallow: /forums/login.php
Disallow: /forums/member.php
Disallow: /forums/memberlist.php
Disallow: /forums/misc.php
Disallow: /forums/moderator.php
Disallow: /forums/newattachment.php
Disallow: /forums/newreply.php
Disallow: /forums/newthread.php
Disallow: /forums/online.php
Disallow: /forums/poll.php
Disallow: /forums/postings.php
Disallow: /forums/printthread.php
Disallow: /forums/private.php
Disallow: /forums/profile.php
Disallow: /forums/register.php
Disallow: /forums/report.php
Disallow: /forums/reputation.php
Disallow: /forums/search.php
Disallow: /forums/sendmessage.php
Disallow: /forums/showgroups.php
Disallow: /forums/subscription.php
Disallow: /forums/threadrate.php
Disallow: /forums/usercp.php
Disallow: /forums/usernote.php



طبعا اذا كان لديك مجلدات اخري خارج المنتدي تريد منعها من الفهرسة تضفها بعد الكود السابق كما تعلمنا



واذا ارشفت جووجل لاي صفحات لا تريد ارشفتها يمكنك الغاء ارشفتها بسهولة من هذا الرابط .. فهي هتلاقي كل اللي هتحتاجة في الحالات الحرجة اللي ذي دي
http://www.google.com/webmasters/remove.html



وهذه ايضا اداة مفيدة جدا وهي لعمل اختبار لملف الروبتس اللي عندك .. لو فيه اخطاء راح يقولك ويكتبلك سبب الخطأ اللي عندك وانت تحاول تعمل اللي بيقولك عليه اذا كان عندك اي اخطاء

http://tool.motoricerca.info/robots-checker.phtml



مع العلم في النهاية ان جووجل لا تأرشف اي ملفات مرفوعة الي موقعك .. يعني علي سبيل المثال لن تأرشف الباك اب الخاص بك .. لكن يفضل منع ارشفه الفولدرات التي تحتوي علي مثل هذه الملفات حتي ان كانت لن تتأرشف وذلك لتوفير الترافيك والباندويدث


وبكده نكون خلصنا الدرس الثالث علي خير

بسم الله


الدرس الرابع ...

4 ) نبذه عن عن نظام عمل اليكسا وكيف يحسب ترتيب المواقع



اليكسا شركة تأسست عام 1996 وهي تابعة لشركة Amazon المشهورة وهي تقوم بتقييم المواقع حسب عدد زوار الموقع .. بحيث من لدية زوار اعلي يكون في مرتبة اعلي عند اليكسا وترتيبة يصبح افضل و الترتيب بيكون من 1 الي الترتيب 20 مليون تقريبا .. و تبدأ انت في المنافسة الحقيقية عندما بصبح ترتيبك اقل من 100 الف .. فبالتأكيد عندها يأتيك زوار باعداد عالية و يتم تحديث اعداد الزوار لدي اليكسا لموقعك كل 3 شهور وهي متوسط النسبة بعد احتساب عدد الزوار و عدد الصفحات المشاهدة بشكل يومي

















الدرس الخامس ...



5) كيفية عمل تولبار بأسم موقعك في اليكسا وتقديمه الي زوارك










الاول هتعدل علي الكلام اللي بين كلمتي <AssociatedID> وهنكتب بدل الكلام ( your associate - id ) اسم اليوزر نيم بتاعنا بتاع امازون واللي عملناله save في مف تكست



التاني هنعدل بين كلمتي <Name> وهنكتب بدل الكلام (your company name here ) هتكتب اسم موقعك او اسم شركتك



التالت هنعدل الللي بين كلمتي <LinkUrl> وهنكتب بدل ( your site adress ) رابط موقعك و يفضل يكون كده http://www.xxxx.com



رابعا حاجة والاخيرة هنعدل علي الكلام اللي بين < ImageUrl> وهنكتب بدل الكلام ( http://www.mycompany.com/images/toolbar.gif ) هنكتب رابط الصورة اللي عمناها واللي قولتلك احفظ الرابط بتاعها في ملف التكست مع اليوزرنيم

الدرس السادس

6) نبذه عن فكرة البيج رانك لجووجل و نظام عملها و كيفية رفع هذا البيج رانك لموقعك



-اولا ما هو البيج رانك ؟؟


هو ترتيب يعطيه لك جووجل من 1 الي 10 من حيث قوة الموقع وعدد الزيارات وكلما زاد الترتيب كلما كان افضل


- علي اي شيء طيب يعتمد هذا الترتيب ؟؟


هذا الترتيب يعتمد علي وصلات موقعك في المواقع الاخري الاكبر منك .. بمعني اذا كان هناك موقع ذو بيج رانك عالي 5 مثلا .. وانت البيج رانك بتاعك وليكن 1 .. فاذا كان هناك في الموقع الاول وصلة تشير الي موقعك انت ... فبالتالي انت تكسب منه تصويت Vote وهذا يزيد من البيج رانك الخاص بك

بس طبعا العملية ليست بهذه السهولة ... فانت تحتاج الي المزيد والمزيد من الوصلات التي تشير الي موقعك من المواقع الاخري الكبيرة


- طيب اذا ما الطريقة العملية لرفع البيج رانك ؟؟


هناك اكثر من طريقة منها الاعلان النصي مع مواقع اكبر منك .. فذلك يحسن من البيج رانك الخاص بك ... وايضا اضافة موقعك في الدلائل الكبيرة والعالمية له ايضا تأثير كبير جدا جدا ... وايضا وضع رابط لموقع في المواقع الكبيرة التي تسمح بذلك

لذلك فالاعلان النصي يكون افضل بكثير من الاعلان المصور علي هيئة بانر


- طيب كيف اعرف البيج رانك الخاص بموقعي ؟؟


هناك طريقتين .. الاولي عن طريق تولبار جووجل .. وسبق وان شرحت في الدرس الاول عن كيفية تحميله واستعماله

والطريقة الثانية واللي برضه شرحناها قبل كده في الدرس الاول ان هناك بعض المواقع تقدم خدمة الاتسعلام عن البيج رانك دون تحميل تولبار او شيء مثل هذا وسبق ان قولتها ابضا في الدرس الاول :

http://www.prchecker.info/check_page_rank.php




- فيما يفيد هذا الترتيب ؟؟ يعني في ايه ممكن استفاد منه ؟؟


البيج رانك فوئدة كثيرة .. فعليه يتم تقييم الموقع ككل وتقييم مستواه وحالته .. فاذا اراد شخص ما الاعلان لديك في موقعك فاول شيء راح يبحث عنه هو بيج ران موقعك كام ؟؟ وهل سوف يستفاد منه اذا عمل هذا الاعلان

بخلاف ان كلما زاد سعر البيج رانك زاد سعر الموقع .. يعني يوم ما تيجي تغلق الموقع لا قدر الله واردت ان تبيع الموقع وله بيج رانك عالي .. هيكون بسعر ممتاز



- طيب علي اي اساس تعتمد جووجل .. يعني ايه الطريقة اللي بتسعملها لاحتساب كل بيج رانك ؟؟


هذا شيء معقد جدا جدا جدا .. الصراحة قريت في الموضوع ده كذا مرة ويعني فهمت حاجة بسيطة .. فجووجل تعتمد علي معادلة - اعتمادا غير كليا - معقدة للغاية ولها حسابات كثيرة .. لن اتطرق في هذا الموضوع كثير .. فقط هذا رابط لموضوع عجبني الصراحة .. شارح فيه هذه المعادلة وكيف عملها

http://www.swalif.net/softs/swalif55/softs115991/



- طيب كم من الوصلات احتاج لوضعها في المواقع الاخري حتي احصل علي بيج رانك اعلي ؟؟


هذا الموقع وجدته .. عجبني الصرحة جدا .. يضع كم وصلة تحتاج في كل موقع حتي تصل الي البيج رانك المراد

http://www.tnx.net/google-pr.php

بالـتأكيد هي اشياء تقريبية الي حد ما .. ومش بالظبط اوي

لكن برضه مفيدة الي حد ما كبير .. وهتفيدك في تقييم موقعك الي حد ما فمثلا لو كنت عايز موقعك يبقي بيج رانك 3 يبقي لازم يبقي فيه وصلات لموقع في بيج رانك 3 ويكون عددها 18 وصلة او ان تضع 3 وصلات في موقع البيج رانك بتاعه 4 وهكذا ..




وتذكر في النهاية ان اي شيء يزيد مع زيادة عدد الزيارات .. فالزوار الزوار الزوار .. فمثلا لو معملتش اي تبادل نصي مع اي موقع بس موقعك كبر واتشهر زفيه زوار كتير .. موقعك لوحدة راح ينتشر ويتكتب في منتديات اخري وكانها تبادل نصي بالظبط .. يعني كل شيء يعتمد علي عدد الزوار وازاي تقدر تجيب اكبر قدر ممكن منهم

وبكده انتهي الدرس السادس بحمد الله

لا تتخيل مدي اهمية عنوان موقعك والكلمات المفتاحية ووصف الموقع بالنسبة لمحركات البحث .. فتقريبا هم اهم شيء و اول شيء تعمله اول ما تفتح موقعك الجديد

طيب يلا نتكلم عن اول حاجة لعنوان الموقع وايه الاخطاء الشائعة اللي بيقع فيها الناس لعمل عنوان لمواقعهم ...


بعد ما حجزنا الدومين واشترينا المساحة ونوينا اننا نركب صفحة Index عادية جدا بلغة html ..

اول شيء عند تصميم صفحة الهتمل هذه ان تضع عنوان موقعك



- طيب ازاي ممكن احط العنوان .. فين يعني ؟؟



بسيطة جدا كل ما في الامر انك تفتح صفحة ملف الاندكس عن طريق النوت باد


- ازاي برضه ؟؟


تعالا عند الملف وبعدين لمين كليك وبعدين اختار open with واختار النوت باد


لو انت مصمم الاندكس دي من قبل ومصممها ببرنامج مثل الدريم ويفر فبالتأكيد سوف تجد هذا الوسم موجود بالصفحة جاهز فقط انت تعدل عليها .. اما لو كانت الصفحة جديدة .. يبقي تعملها بايدم و هتحط عنوان الموقع بين وسمي :

رمز PHP:
<title>ضع عنوان موقعك هنا</title>





تضعه بعد وسم <html>


وهذا العنوان من الركائز الاساسية التي تعتمد عليها محركات البحث في نتائجها


- طيب خلصنا من عنوان الموقع .. ازاي نغير دلوقتي الكلمات المفتاحية و وصف الموقع


شيء بسيط .. نفس الخطوات اللي فاتت

افتح ملف الاندكس بالنوت باد وضيف وصف لموقعك باضافة هذا السطر

رمز PHP:
<meta name="description" content="here your descreption">




ونفس الحكاية للكلمات المفتاحية هتضيف هذا السطر



رمز PHP:
<meta name="keywords" content="Your Site Kewords">


ولاضافة كلمات مفتاحية كثير افصل بين كلمة وكلمة بالفاصلة ,

وبعد كده تقدر تكتب بقي اللي انت عايزه سواء كنت خبير في لغه الهتمل او هتكتب الصفحة باي برامج كالفرونت بيج او الدريم ويفر


ملاحظة : عند عمل الصفحة يدوي باللغة العربية يجب اضافة هذا السطر بعد وسم الهتمل <html> مباشرة حتي تتخلص من مشاكل الترميز .. وعدم اضافته يجعل اللغة العربية وكأنها لغه هيروغليفيه

رمز PHP:
<meta http-equiv="content-type content="text/html; charset=windows-1256>


- ماشي جميل بس ممكن مثال ؟؟


لو كنت صبرت عليا شوية .. المثال اهو حاطط فيه كل حاجة والبداية اللي هتحتاجها .. وده مثال كأن موقعي يقدم خدمة استضافة وتصميم ودعم فني

ويبقي في النهاية بالشكل ده


هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 806x198 and weights 19KB.


وده مثال بعد التعديل


هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 800x177 and weights 33KB.




- طيب ازاي اقدر اضع افضل كلمات البحث ؟؟


هناك طريقتين ..



الاولي عن طريق هذا البرنامج .. حمله بالظغط هنا

باسوورد فك الضغط
www.3arablink.com


هذا البرنامج يعطيك عن اكثر الكلمات المفتاحية بحثا من الزوار .. مجرد تكتب اي كلمة .. تظهر لك الكلمات المفتاحية الفرعية من هذه الكلمة مرتبه حسب اكثر استخدامها من مستخدمي محركات البحث بخلاف انه بيعمل تحليل لموقعك ونتائجة في محركات البحث وغيرها من الفوائد الكثيرة اكتشفها بنفسك







وهناك ايضا جزء من البرنامج لتخمين اكثر الكلمات التي يخطأ فيها مستخدمي محركات البحث .. يمكنك اضافة 2 او 3 منهم



هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 717x465 and weights 63KB.



اما الطريقة الثانية عن طريق تولبار جووجل .. فهو يكشف لك اكثر الكلمات المستخدمة من قبيل زوار محرك بحث جووجل







.. هناك وسوم اخري ايضا في عالم السيو .. لن اشرحها بالتفصيل ولكن سوف اعطي نبذه عنها .. هعطي مثال الاول ثم اشرحة وهو كود لجميع الوسوم اللي ضفناها من قبل والوسوم الجديدة .. مع العلم ان هذه الوسوم لا يوجد لها اهمية كبيرة وعدم وضعها في الكود لن يخسر شيء كثيرا


ملاحظة : هذه الوسوم تعمل بكفاءة علي صفحة اندكس موقع عادي او علي اندكس المدونة ,, اما بالنسبة للمنتديات فلم تتم التجربة

طبعا شايفاك مخضوض .. وبتقول ايش هذا


- ايه ياعم المهلبية دي .. انا مش فاهم ايه الكود اللي فات ده ؟؟


انا هقولك علي كل وسم شرحة


وسم KEYWORDS و DESCRIPTION" CONTENT و <TITLE> تم شرحهم من قبل

وسم CONTENT-LANGUAGE : هذا الوسم للتعريف بلغة موقعك لا اكثر .. حيث يجعل العناكب تسهل من عملية قراءتها للموقع والتعرف عليه بسهولة ... وهو يتم وضع حرفين فقط يدلان علي اللغة .. فكما وضعت في الكود السابق "AR" حيث ان موقعي عربي اما لو الموقع باللغة الانجليزية فسوف نضع "EN" يعني بتبقي اول حرفين من اي لغة .. وهكذا

وسم revisit-after : وهو المدة التي تطلب فيها من جووجل العودة واعادة النظر في الموقع .. اجعلها يوم مثلا

وسم robots : لن يكون له اهمية بعد عمل ملف الروبتس مستقل عن الوسوم

وسم Author : وهو لوضع حقوقك علي الموقع بتاعك .. ليست مهمة اوي بس حطها وخلاص ما تخسر شيء

وسم Copyright : لوضع حقوق الموقع ... مثال : جميع الحقوق محفوظة لشبكة كذا كذا

بس دول نبذة بسيطة عن الوسوم الاضافية دي .. تحطهم في صفحة الاندكس بين وسمي الـ <HEAD>

ولو مش عارف تعمل مثل الكود اللي فات ... تفدر تعمله من الرابط ده

http://websitesubmit.hypermart.net/metataganalysis.htm

وده رابط برضه مهم لعمل اختبار علي الميتا اللي عملتها .. وجميل جدا

http://websitesubmit.hypermart.net/metatags.htm


مع العلم زي ما قلنا ان الوسوم الاضافية دي يمكن التغاضي عنها تماما .. فاهميتها ليس بالشيء الكبير



- طيب هذا الكلام جميل جدا .. افترض اني عندي منتدي مثلا كيف هغير الكلمات المفتاحية والوصف ؟؟



سؤال طبعا ممتاز .. تغير الكلمات المفتاحية و والوصف من المنتدي اسهل بكثير من اي صفحة اندكس فقط اتبع هذا الشرح البسيط


اولا ادخل علي لوحة تحكم المنتدي الخاص بك ....


ثم من خيارات المنتدي > خيارات المنتدي > ثم اختار اعدادت عامة










وبعد اختيار الاعدادت العامة سوف تجد :

كلمات مفاتيح البحث : وهي الكلمات المفتاحية

و وصف الميتا/ Meta : وهو وصف منتداك








كل اللي عليك انك تعدل علي الكلمات المفتاحية بتاعتك وتعدل علي الوصف وخلاص علي كده

ولتغيير العنوان اكيد كلنا عارفينها

خيارات المنتدي > خيارات المنتدي > ثم اختار اسم الموقع / الوصلات / المراسلة و الاتصال











وامام اسم المنتدي اكتب اسم المنتدي


- طيب افرض اني امتلك مدونة وليكن مثلا مدونة الـ wordpress


مدونة الورد بريس من افضل المدونات صديقة لمحركات البحث ,و انصح بها للجميع عن تجربة ... كل شيء فيها سهل .. يعني اي مبتديء يقدر يعدل علي العنوان والوصف



وهذا بلج ان اسمه All in one SEO pack
الصراحة اكثر من رائع .. فيمكنك اضافة عنوان يظهر في شريط العنوان فقط مع اضافة وصف وكلمات مفتاحية بمنتهي السهولة

لتحميلة أضغط هــــنا

واكتشفه انت بنفسك .. سهل جدا جدا ولا يحتاج لشرح .. لكن لو قابلتك فيه اي مشكلة سواء في رفعه او استخدامه قوللي علي طول


- طيب دلوقتي سويت كل شيء وحابب اتأكد من اللي عاملته .. ازاي ؟؟


اكيد لازم نتأكد .. الطريقة اللي جايه دي سهلة جدا جدا ..

افتح متصفحك .. ثم اكتب رابط موقعك وافتحه

بعد ما فتحته من شريط الادوات فوق اختار View ثم اختار page source






راح تفتحلك صفحة جديدة فيها موقعك كله وهتلاقي فيها الثلاث وسوم بتوع العنوان والكلمات المفتاحية والوصف في اول الصفحة .. اتأكد منهم وانهم صح .. ومبروك عليك






ملاحظة : في البيج سورس الخاص بالمنتدي وسم العنوان <title> لن تجده بالظبط في بداية الصفحة ويفضل عمل بحث عن الوسم عن طريق CTRL+F



هذا رابط اخر غير اللي موجود فوق لاختبار الميتا عندك .. الصراحة اكثر من رائع ويعطيك نصائح ممتازة

http://www.scrubtheweb.com/abs/builder.html



بعض الاخطاء الشائعة عن السيو ..

كتابة الكلمات الدلالية الخاطئة .. فهذا من ابشع الاخطاء من وجه نظري لانه يأتي لك بزوار لن يرجعوا لموقعك مرة اخري ابدا فانت تاتي بزوار غير مستهدفين .. فلا تتوقع ان هذه الحركة قد تجلب لك الاف الزوار بمجرد كتابة كلمات دلالية لها وزن ولكنها لا تدل علي موقعك .. فهذا بالتأكيد خطأ كبير


الصور الكثيرة .. حاول تجنب الصور والفلاشات الكثيرة فصورتين مناسب جدا لان الصور لا تقرأها محركات الحث ولا تقترب منها بتاتا .. فافضل لغة تقرأها محركات البحث هي بلا شك الهتمل .. وحاول الابتعاد قدر المستطاع عن الفلاش .. واياك وعمل الموقع كله بالفلاش ... هتدفع فيه دم قلبك وابقي قابلني لو زائر عبره

عدم تجديد الموقع .. محركات البحث تحب دائما الجديد فحاول كل يوم علي الاقل تجديد شيء جديد باضافة مقال او ما شابه

عدم الاهتمام بوصف الموقع .. فوصف الموقع مهم جدا لدي جووجل حاول ان تصف موقعك في 255 حرف بالا تخرج عن وصف خاطئ لموقعك كما اتفقنا

وقبل النهاية احب اضيف هذا الكتاب .. كتاب مفيد جدا عن السيو للمبتدئين وفي شرح مفصل اكثر واكثر عن هذا الدرس
الكتاب مجاني وهو من تأليف الاخ حسين عبد الله بارك الله فيك .. اقرأه وبالتأكيد سوف تستفاد منه


أضغــــط هــــنا لتحمــــيله



وبكده نكون انتهينا من الدرس ده ... درس اعتقد انه سهل جدا وبسيط ولكنه في غايه الاهمية

الدرس ده هنتعلم فيه حاجات مهمة جدا وخاصة لاصحاب المنتديات .. هنتعلم ازاي نضيف الـ RSS والـ RSS2 وازاي نعمل الـ Sitemap للمنتدي وحاجات تانية كتير كلها بتساعد محركات البحث علي سهلوة ارشفة موقعك وزيادة اعداد نتايج البحث عندك ...


والخطوات اللي جايه دي تتعمل عمياني كده ومش هقول كل حاجة بتعمل ايه غير بس نبذه صغيرة كده .. بس تأكد ان كل خطوة ان شاء الله ليها فيدتها واهميتها


تنبه : قبل اي تعديل علي اي تمبلت يرجي اخذ نسخة احتياطية من التمبلت ووضعها في ملف تكست تحسبا لاي خطأ يحدث لا قدر الله .. ويفضل ايضا اخذ نسخة احتياطية للمنتدي كله قبل تطبيق هذا الدرس


بسم الله هنبدأ بالمنتديات بس وده اللي هنتكلم عليه في الدرس ده اكتر ان شاء الله


... أضافة مواقع النشر اخر كل موضوع ...


من لوحة تحكم المنتدي .. من خيارات المنتدي > خيارات المنتدي > ثم طريقة عرض المواضيع > اتاحة مواقع النشر










وعند اتاحة مواقع النشر وقبل ان نجلعلها نعم .. نضغط الاول علي ادارة مواقع النشر ونتأكد ان كل المواقع متعلم عليها بعلامة الصح






ثم نرجع Back للوحة التحكم في الصفحة اللي كنا فيها وامام اتاحة مواقع النشر نختار نعم .. ثم نضغط حفظ







وسوف تجد مستطيل مواقع النشر قبل الرد السريع في اي موضوع








- طيب ايه اللي ممكن نستتقيده من مواقع النشر دي ؟؟


لو قعدت اوصفلك من انهارده لبكره الصبح مش هقدر اقولك مهمة اد .. بجد في غاية غاية الاهمية .. وانا هقولك بالتفصيل الممل ازاي تجيب مئات .. بل الااااف الزوار من مواقع النشر دي


- شوقتني بجد .. قوللي بسرعة ازاي ؟؟


الاول افضل موقع نشر نقدر نستخدمة هو بالتأكيد digg فده بيجي في المرتبة الثانية وساعات كمان الاولي من حيث عدد الزيارات اللي ممكن تجيلك

الاول لازم يكون عندنا حساب في موقع digg وخطوة التسجيل دي هتتعمل مرة واحدة بس


ندخل علي

www.digg.com

نضغط علي join digg لعمل عضوية جديدة به







نملأ البيانات كما في الصورة











وبعد كده هتظرلنا هذه الصورة وفيها يطلب مننا فتح الايميل لتفعيل العضوية







الان نروح علي الايميل ونشوف رابط التفعيل اللي وصلنا من الموقع .. نضغط علي الرابط للي جواه







كده احنا فعلنا العضوية .. وهتظهرلنا الصفحة دي دلوقتي .. نضغط علي
No thanks , I will do that later



هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 716x255 and weights 28KB.





بس كده يبقي احنا سجلنا تمام .. وجاهزين لاضافة اي موضوع


اللي عملناه من شوية ده عشان نسجل هنعملها مرة واحدة بس .. من الاول اللي جاي هيتعمل لكل موضوع عايزين تضيفة لـ digg



الاول خالص نتأكد ان احنا عاملين Log in في digg .. خش علي www.digg.com .. لو لقيت نفسك داخل وعامل Log in يبقي خلاص كمل الخطوة اللي جاية اما لو لقيت زرار log in ظاهر يبقي انت لسه مدخلتش .. اضغط عليه واكتب اسم اليوزر والباس



هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 730x215 and weights 25KB.








هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 712x170 and weights 21KB.


بعد كده ندخل علي الموضوع اللي انت عايز تضيفة في الدليل .. ( حاول تضيف المواضيع المميزة )

واحنا كنا مفعلين مواقع النشر من شوية .. هنلاقي تحت اخر الموضوع فوق صندوق الرد السريع شريط الخاص بمواقع النشر .. نضغط علي كلمة digg كما في الصورة :







هينقلنا علي الموقع .. الاول هنلاقي صفحة تحميل زي دي .. ننتظر بس شوية








وبعد كده هيدخلنا علي صفحة هنضيف فيها عنوان الموضوع .. وتحت في الصندوق الكبير هنضيف مجرد نبذة عن الموضوع




هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 708x230 and weights 31KB.



و بعد كده تحت في نفس الصفحة هنختار تصنيف الموضوع .. يعني الموضوع ده بيتكلم عن ايه .. جرافيكس ولا برمجة ولا ايه بالظبط .. وبالنسبة للموضوع اللي انا اخترته ده هيبقي جرافيكس...









وهتلاقي برضه في نفس الصفحة عرض تجريبي للاضافة اللي هضفها .. تحتيها هنكتب الحروف والارقام اللي في الصورة ونضغط علي Submit Story







هيجيلك صفحة تحميل مثل دي .. برضه ننتظر شوية






وهي فقط للتأكد من عدم وجود هذا الموضوع في عندهم في digg من قبل


ملاحظة : ممكن تظهرلك صفحة الان بوجود موضوع شبيه او مماثل لما سوف تضعه .. يمكن تجاهل هذه الصفحة والاستمرار دون اي مشاكل عن طريق النزول تحت اخر الصفحة و الضغط علي زرار
Totally original , I swear


وبعد قليل تظهرلك هذه الصفحة تفيد بنجاح العملية بتمام








تعالا بقي بعد دقيقتين افتح صفحة المتواجدين الان

راح تلاقي اقبال غير طبيعي علي الموضوع يعني علي الاقل 5 او 6 زوار يزورون هذا الموضوع ..




هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 850x463 and weights 83KB.




ولو فتحت الاي بي بتاع اي واحد فيهم راح تلاقيه جاي من موقع digg







ده بخلاف ان الموضوع اللي مضاف في ديجج هتلاقيه في اول النتائج في جووجل



... تفعيل المواضيع المماثلة اخر صفحة الموضوع ...



هذه الاختيار يفعل المواضيع المتشابهه في اخر الصفحة لاي موضوع .. وهو مهم ايضا في نظام محركات البحث

من لوحة تحكم المنتدي > خيارات المنتدي > خيارات المنتدي > خيارات عرض المواضيع > مشاهدة المواضيع المماثلة؟












نختر نعم .. ثم حفظ








وتجدها تظهر هكذا بالمواضيع








... تفعيل خاصية الاقتباس التلقائي لعناوين المشاركات/المواضيع ...


مهمة ايضا في تغذية محركات البحث
















والنتيجة :









... تفعيل خاصية الـ rss للمنتدي ...




من لوحة تحكم المنتدي > خيارات المنتدي > خيارات المنتدي > مجهز البيانات الخارجي > تفعيل تغذية RSS











ثم امام تفعيل تغذية RSS نختار نعم .. ثم حفظ من اسفل الصفحة







وبكده نكون فعلنا خاصية الـ rss ودي اهميتها كبيرة جدا جدا .. وتقدر تشوف اللي عملته من الرابط ده مع تغيير ما يلزم

http://www.xxxxx.com/vb1/external.php?type=rss

http://www.xxxx.com/vb1/external.php?type=rss2



- طيب ايه الفرق بين الرابط الاول والثاني ؟؟


الرابط الاول هو لاصدار rss الاول .. وهو اقل قليلا من الاصدار الثاني واللي موجود في الرابط الثاني .. لان فيه حاجات جديدة وضعت في الاصدار الثاني .. وعلي العموم فان تفعيل خاصية الـ rss من لوحة تحكم المنتدي زي ما عملنا من شوية بيفعل الاصدارين وتقدر تفتحهم عادي



... تفعيل خاصية العناكب في المنتدي ...



من لوحة تحكم المنتدي > خيارات المنتدي > خيارات المنتدي > خيارات المتواجدين الأن > تفعيل عرض العناكب











وامام تفعيل عرض العناكب اختر نعم .. ثم حفظ اسفل صفحة المنتدي








وراح تجد العناكب بدأت تزور المنتدي من حين لاخر وتراها في صفحة المتواجدون الان



هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 817x146 and weights 25KB.



... كود اضافة الميتا h1 و h2 فوق الاقسام والمواضيع ...



نبدا الاول باضافة كود وضع اسم القسم المفتوح في تحت الناف بار "فوق عنواين المواضيع يعني"
.. وهو يقوم بتغذية محركات البحث


ملاحظة : للتعديل علي اي قالب تكون بالطريقة القادمة دي .. واي تعديل اخر تكون بنفس الخطوات حيث انني لن اعيد شرحها

شرح طريقة البحث عن اي قالب والتعديل عليه :


الاول ندخل علي قالب :



سهلة جدا .. من لوحة تحكم المنتدي > الاستيلات والقوالب > البحث في القوالب > ثم تكتب اسم القالب اللي قولتلك تفتحه ثم اضغط البحث












هتظهرلك النتايج لكل استايل .. هتروح فقط عند اسم الاستايل اللي عايز تعدل عليه او الاستايل الافتراضي عندك في المنتدي وتحتيه هتلاقي القوالب الخاصة بهذا الاستايل .. ابحث عن اسم القالب اي كان وفي حالتنا سوف نبحث عن "FORUMDISPLAY"









راح تظهرلنا صفحةبها اسم القالب ومحتويات القالب في مربع كبير .. كل المطلوب انك الاول تبحث عن كلمة

رمز PHP:
$navbar




نبحث عنها من هذا المربع :






وراح تجد انه اشار الي الكلمة اللي بحثنا عنها ... طيب دلوقتي هنضيف الكود اللي جاي ده تحت الكلمة اللي بحثنا عنها


رمز PHP:
<br />
<div id="tags">
<h1><a href="$scriptpath">$foruminfo[title_clean]</a></h1>
<h2>$foruminfo[description]</h2>
</div>
<br />


بحيث يصبح القالب بهذا الشكل










وسوف تجد نتيجه هذا الكود هكذا .. افتح اي قسم عندك








لم تنتهي هذه الخطوة بعد فهي مرتبطة بالخطوة اللي جاية



... اضافة عنوان الموضوع اعلي الموضوع عند فتحه ...


الاول افتح قالب

رمز PHP:
SHOWTHREAD





ونفتحه زي ما فتحناه في الشرح اللي فات

نبحث عن كلمة

رمز PHP:
$navbar





نضف تحت هذه الكلمة هذا الكود



رمز PHP:
<br />
<br />
<div id="tags">
<h1><a href="$scriptpath">$thread[title]</a></h1>
<h2>$foruminfo[title_clean]</h2>
</div>
<br />





وهتكون نتيجة الكود ده كده ... افتح اي موضوع هتلاقي :







ناقص بس حاجة صغننة كده ...

من لوحة تحكم المنتدي > الاستيلات والواجهات > التحكم بالاستيلات > وامام الاستايل اللي عدلت فيه القوالب اللي فاتت اختار "css رئيسي"













وبعدين ننزل في اخر الصفحة و في اخر جدول هنضيف الكود ده


رمز PHP:
#tags {

text-align: center;


font-family: Arial, Tahoma, Verdana;

}
#tags h1 {
font-size: 19px;
color: black;
font-weight: bold;
}
#tags h2 {
font-size: 17px;
color: black;
font-weight: bold;

}







وفي الكود اللي فات نقدر نعدل علي اللون والحجم ونوع الخط او توسيط او عدم توسيط الميتا تاج اللي ضفناها .. اظن الكود سهل وشارح نفسه

وبعد كده افتح وشوف النتيجة بقي بنفسك



... هاك عدم مشاهدة الزائر للموضوع بعد x مشاهدة ...



هذا الهاك الصراحة اكثر من رائع .. فهو يجعل الزائر يتصفح عدد من المواضيع انت تحددهم قبل ان تطلع له رسالة انه غير مسجل


- طيب ويش فايدة هذا الهاك معانا هنا ؟؟


هذا الهاك له فائدة كبيرة لمن يغلق المنتدي امام الزوار كما قلنا ... لان اغلاق المنتدي امام الزوار كما قلنا ايضا يعرقل عناكب جووجل وغيرها من محركات البحث .. لانه يتعامل كانه زائر

ولكن هذا الهاك حل هذه المشكلة بانه يجعل العناكب تتصفح بمنتهي السهولة والحرية

و يفضل ان تجعل الزائر يري علي الاقل موضوع واحد قبل ان يطلب منه التسجيل

ودي صورة للهاك من لوحة التحكم :


هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 739x448 and weights 71KB.




وهذه هي الرسالة التي تظهر للزائر بعد تصفحة لعدد من المواضيع اللي انت حددتها .. مع العلم ان هذه الرسالة تقدر تعدل عليها وتغيرها من لوحة التحكم



هذه الصورة تم تصغيرها تلقائيا . إضغط هنا لمشاهدة الصورة بحجمها الطبيعى 716x126 and weights 19KB.


للتركيب فقط حمل هذا البرودكت وارفعه من المنتدي عن طريق

نظام الإضافات البرمجية > التحكم بالمنتجات/Product > [إضافة/ إستيراد منتج product‎]

وارفع البرودكت بالضغط علي اول زرار "Browse" واختيار الملف بعد فك ضغطه طبعا ثم اضغط استيراد .. اظنها سهلة !


وهناك ايضا هاكات اخري لها تأثير قوي في عالم السيو مثل هاك الفي بي سيو .. ان استطعت تركيبه فلا يوجد ما يمنع لذلك فهو مفيد بلا شك .. وهناك ايضا هاك يجعل العناكب كانهم اعضاء بالظبط حتي ان اغلقت المنتدي امام الزوار ..
بعد تطبيق خطوات هذا الدرس .. بدون مبالغة اصبحت العناكب نادر جدا الاقيها مش موجودة في المنتدي وبتزيد يوم عن يوم .. يعني ممكن توصل ل 50 عنكبوت مرة واحدة .. ودايما يتأرشف جديد حيث ان عدد الصفحات المتأرشفة عندي وصلت في اول شهر فقط الي 1000 صقحة الحمد لله


وبكده نكون انتهينا من الدرس الثامن بحمد الله .. ياريت يا جماعة تطبقوا الشغل ..

تقبلوا تحياتي