بسم الله الرحمن الرحيم
السلام عليكم ورحمة الله وبركاتة
مقادير الحشوة
دجاجة
قزبر و معدنوس مكرض مع 3 دروس ديال التومة
ابزار
سكين جبير
شوية التحميرة
شوية الزعفران
معلقة كبيرة الزعتر يابس
نصف حامضة بلدية مرقدة
ملح
شوية الشعرية الصينية
قشاوش ديال الدجاجة مقطين
الزيت البلدية و الرومية
كنور نسيت ما صورتوش
المقادير اللي غادي نديرو في الكوكوت باش تطيب الدجاجة
معلقة كبيرة ديال الزعتر
معلقة كبيرة ديال ازير
2وريقات سيدنا موسى
واحد بصلة صغيرة
الطريقة
كنوضعو الحشوة فوق العافية تسخن واحد الشوية و نضيفو ليها الشعرية الصينية
و نخلطوا تم نحيدوها من فوق العافية و نعمروا بها الدجاجة مزيان من الداخل
و من
الجناب تم كناخدوا الكوكوت و نوضعوا فيها الزعتر و ازير وورقة سيدنا موسى
و البصلة والماء ونخليوها حتى تغلى تم نوضعوا الدجاجة في الكسكاس ديال
الكوكوت باش تفور و نسدوا عليها حتى نحسوا بها طابت و نخرجوها و نخلوها
تبرد واحد شوية وندهنوها بشوية الزبدة مخلطة مع شوية التحميرة تم الى
الفرن حتى تحمر
موضوع: دجاج بالاعشاب واااااااااااعر 
السبت 4 يوليو 2009 - 9:10
